- 753 -

1449. Dez. 18. Liegnitz.

Die Rathmannen der Stadt bekennen, dass der Domprobst und Pfarrer zu St Peter Johannes Baude sich mit Ambrosius Bitschen über alle Forderungen geeinigt hat, welche die Kirche zu St. Peter an der Molstad in dem Dornbusch gehabt hat.

Wir ratmanne der stad Legnicz bekennen offentlich mit disem briue vor allen, die en sehn ader horen lezen, das vor vns in gesessenem rate gestanden ist der erbare Ambrosius Bitschen vnser liber eidegenos vnd hat becanth vnd offentlich geczuget, das her sich mit dem wirdigen herren, ern Johanni Buden, thumprobiste zcu Legnicz vnd pharrer zu sand Peter doselbest vor sich vnd alle seine nachkomen gancz vnd gar voreynet vnd vortragen haben vmbe alle das recht, zuuorsicht vud furderunge, das her von syner obgnanten kirchen wegen gehabt had vnd im geboren machte an der molstad vnd irer zugehorunge in dem Dornposche zcwuschen Materns vnd des jungen Otten guttern vnd forwerken an den fywege gelegen, des her im vnd seinen erben vnd nachkomen entrewmet vnd zu erbe vnd eigenem gutte zu haben zu halden vnd zu besitczen zugeeygnet had, als in anderen briuen dorobir gegebin clerlicher ist auszgedrucket, also das her vnd alle seyne nachkomen besiczer derselben molen im vnd allen synen nach-komen, pharrern der obgnanten pharrkirchen von der obgnanten molen vnd von aller irer gerechtikeit alle jar erblich vnd ewiglich geben vnd czinsen sollen eine marg guter genger vnd gebir moncze diser lande werunge off weynachten vnd von den nestkomenn obir eyn jor anczuheben vnd wenn sy den czins off den tag nicht gebin, so sal vnser foit gnuglichen phande helffen doselbist vnd ap man nicht phande funde, so sal her sye daczu weisen, das sie damit ader mit den phanden, ap man phande funde, thun mogen, als alle recht domit begangen weren, das sye sich seyn daran dirholen. Zu geczugnis gebin vnd vorsigilt mit vnserm anhangendem ingesigil geschen am dornstage vor Thome apostoli nach Cristi geburth virczenhunderth vnd im newnvndfirczigisten iare.

Liegn. Zinsbuch No. 242. IV. 36. — Fehlerhaft gedruckt in Sammters Chron. v. L. S. 495.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866